ПАЛАЖЭННЕ
аб Сцягу Федэрацыі прафсаюзаў Беларусі

Агульная характарыстыка Сцяга
Сцяг Федэрацыі прафсаюзаў Беларусі з'яўляецца яе сімвалам і валодае афіцыйным статусам. Ён з'яўляецца ўласнасцю Федэрацыі прафсаюзаў – паўнапраўнага распарадчыка на яго выкарыстанне ў рамках Статута ФПБ і нарматыўных прававых актаў Рэспублікі Беларусь.

Адлюстраваныя на Сцягу словы "салідарнасць", "справядлівасць", "праца" сімвалізуюць адвечныя прынцыпы прафсаюзнага руху. Лаўровыя галіны з'яўляюцца сімвалам перамогі, славы, узнагароды. Сіні колер – колер надзеі, свабоды. Выбіраючы гэты колер, Федэрацыя прафсаюзаў падкрэслівае прыярытэт высокай духоўнасці, пажаданняў людзям працы захоўваць вернасць ідэалам сацыяльнай справядлівасці і садзейнічаць іх умацаванню.

Сцяг Федэрацыі прафсаюзаў вырабляецца ў адным экзэмпляры і знаходзіцца ў службовым кабінеце Старшыні Федэрацыі прафсаюзаў. Па рашэнню Прэзідыума Савета Федэрацыі прафсаюзаў Сцяг ФПБ можа выносіцца на з'езды ФПБ, пленумы і іншыя мерапрыемствы, якія праводзяцца Федэрацыяй прафсаюзаў Беларусі.

ПАЛАЖЭННЕ
аб вымпеле Федэрацыі прафсаюзаў Беларусі

Вымпел заснаваны як адметны пастаянны знак Федэрацыі прафсаюзаў Беларусі.

Вымпел Федэрацыі прафсаюзаў Беларусі з'яўляецца атрыбутам, адным з яе сімвалаў.  

Вымпел выкарыстоўваецца ў якасці знака Федэрацыі прафсаюзаў пры правядзенні дзелавых сустрэч і афіцыйных мерапрыемстваў. 

ПАЛАЖЭННЕ
аб значку Федэрацыі прафсаюзаў Беларусі

Значок Федэрацыі прафсаюзаў Беларусі з’яўляецца адным з яе сімвалаў.

Значок заснаваны як адметны знак Федэрацыі прафсаюзаў Беларусі. 

Адлюстраванае на значку перапляценне трох літар абрэвіятур назвы Федэрацыі прафсаюзаў Беларусі сімвалізуе адзінства арганізацый, якія ўваходзяць у Федэрацыю прафсаюзаў Беларусі. Сіні колер – колер надзеі, свабоды.

ПАЛАЖЭННЕ
аб эмблеме Федэрацыі прафсаюзаў Беларусі

Эмблема Федэрацыі прафсаюзаў Беларусі з'яўляецца яе атрыбутам, сімвалам і валодае афіцыйным статусам. Яна з'яўляецца ўласнасцю Федэрацыі прафсаюзаў – паўнапраўнага распарадчыка на яе выкарыстанне ў рамках Статута і нарматыўных прававых актаў Рэспублікі Беларусь.
Эмблема выкарыстоўваецца ў рамках статутнай дзейнасці і можа размяшчацца на дакументах Федэрацыі прафсаюзаў, афіцыйных бланках органаў і арганізацый ФПБ, сцягах, вымпелах, значках, ручках, блакнотах, канвертах, візітных картках і ў іншых выпадках.